Վիտամինները կենսաբանորեն ակտիվ նյութեր են, որոնք անհրաժեշտ են օրգանիզմի կենսագործունեության համար։ Չնայած որ վիտամինները էներգիա չեն տրամադրում, առանց դրանց շատ նյութափոխանակային գործընթացներ չէին կարող իրականանալ։ Վիտամիններն օրգանիզմը ստանում է սննդի միջոցով, քանի որ դրանցից շատերը օրգանիզմում չեն սինթեզվում։
Վիտամինները բաժանվում են երկու հիմնական խմբի՝ ջրում լուծվող և ճարպում լուծվող։
Ջրում լուծվող վիտամինների մեջ են մտնում B խմբի վիտամինները և վիտամին C-ն։ Դրանք երկար չեն մնում օրգանիզմում, և ավելցուկն արտազատվում է մեզով, ուստի դրանք անհրաժեշտ է պարբերաբար ստանալ։ B խմբի վիտամինները կարևոր դեր ունեն նյութափոխանակության գործընթացներում՝ օգնելով օրգանիզմին ստանալ էներգիա սննդից։ Վիտամին C-ն անթոքսիդանտ է և մասնակցում է կոլագենի սինթեզին, որն անհրաժեշտ է մաշկի, հոդերի և արյունատար անոթների առողջության համար։
Ճարպում լուծվող վիտամիններն են A, D, E, և K վիտամինները։ Դրանք պահվում են օրգանիզմում՝ հիմնականում լյարդում և ճարպային հյուսվածքներում, և ստանալու կարիքը պակաս հաճախ է լինում։ Վիտամին A-ն կարևոր է տեսողության, մաշկի առողջության և իմունային համակարգի համար։ Վիտամին D-ն օգնում է կալցիումի և ֆոսֆորի ներծծմանը, ինչը կարևոր է ոսկրերի առողջության համար։ Վիտամին E-ն գործում է որպես անթոքսիդանտ՝ պաշտպանելով բջիջները վնասակար ազդեցություններից, իսկ վիտամին K-ն մասնակցում է արյան մակարդման գործընթացին։
Վիտամինների պակասը կամ ավելցուկը կարող են առաջացնել տարբեր հիվանդություններ և առողջական խնդիրներ։ Օրինակ, վիտամին C-ի պակասը կարող է առաջացնել լնդերի արնահոսություն և այլ խնդիրներ, որոնք հայտնի են որպես սկորբուտ, իսկ վիտամին D-ի պակասը կարող է հանգեցնել ոսկրերի փխրունության՝ առաջացնելով ռախիտ։
Վիտամինները օրգանիզմի հիմնական նյութափոխանակային համակարգի անբաժանելի մասն են և անհրաժեշտ են առողջության պահպանման համար։
Սերո Կարագուլլյանի բլոգ 